正一牛王頭

以陣子看過馬傑偉先生著的「正一牛王頭」，十分喜歡，好過癮，雖然DeepC跟他不同年代，但他小時候玩過的東西，大部分也玩過，非常有共鳴感！

馬先生是七十年代的人，家住油麻地唐樓區，據他描述，他是怕羞仔一名，但玩時就唔多識死，其實DeepC也差不多，哈！

點解玩過咁多嘢？因為舊屋村長大，一條走廊幾十個單位，大小朋友玩埋一堆，隔中有新小朋友加入，小玩意就是這樣留存下來，不過自從房屋結構大改革後，加上生育率下降和電子玩意普及，許多舊玩意己慢慢被遺忘。

來個大比併，下面左方是馬生玩過的，括號是DeepC的記錄～　^^

玩具手槍 - 豆槍、紙槍、閃光槍、火槍(除左火槍，其他都玩過，還玩過含丁點火藥的啪啪紙玩具槍)

擦地炮 (玩過)

火箭 - 紙飛機加香雞再點火 (未玩過)

丫叉碼子 (玩過，通常單用橡筋代替丫叉)

臭彈 (睇街坊朋友仔玩，太臭了玩唔過)

玩具刀劍 (玩過)

自製吹箭 (玩過，看電視武俠片多，自然會模仿)

偷自己錢 - 撩豬仔錢罌 及開銷 (玩過)

採花賊 - 摘花草 (會，但不會做，DeepC媽由小都教，花係用來看的，眼看手勿動．)

扮超人 (玩過)

爬出窗外 (無，無得試，因為鎖上，但玩過爬出樓梯間的空心位，七層樓高，這個空心位由大廈最高層的天花板至地下是空的，真是唔識死．)

養小寵物 (玩過)

跳梯級 (玩過)

鬥單車 (玩過)

踢西瓜皮波 (玩過，不過通常係皮球)

何濟公 (玩過)

火水爐 (用過，這個唔係用來玩的!!)

被窩下玩/做私人嘢 (玩過，用電筒照明看書及講鬼故)

織飲管 (未玩過)

做小販 (未試過，不過小時候都想有多些錢用)

踢拖鞋鬥遠 (玩過)

木屐 (穿過，但唔記得有無擁有過，隔離屋的朋友就肯定有。)

公仔紙 (玩過，這個現在都興，不過叫閃咭)

啲嗒球及雙節棍 (玩過，但這東西好難玩，通常攪到自虐，自己打到自己，所以唔玩無損失!)

還有好多好多．．．　
唔知你們又玩過未呢?

相關資料：
正一牛王頭 ISBN：962-992-132-4