咩人？咩設計？超興！

剛剛放工到MTR的銀行自助服務中心提款， 初時諗住這個counter多機，有：
打簿機一台、提款機兩台、現金傳款機一台，以及入票機一台,
而且有較私人的獨位設計， 無咁易比人睇到輸的password， 所以行得遠都選這間。
可是多機都無用， 擺放設計麻麻，再遇到些唔醒目的用家，真係好興！

這個自助服務中心有塊大玻璃隔住，
其他閒雜人等跟用家有一段距離，
所以輸入password時不易給人看見，
但這樣擺放機器，通道就變了single way, single path。
當時經過大玻璃時真是O晒咀，
因為那兩台提款機竟然無人用，
成個counter內只得一個人，那個人正在存款，
而後面就排了一條長龍！
好心跟排頭位的小姐講，
內面有機可以用，表示可以進入，
點知，佢無咩反應，之後冷淡回應，
佢話佢只是存款，
OK！只是存款，咁佢就繼續排隊啦，
但第二位的人也醒水嘛～佢應該進內的！
但奇怪地佢都無咩反應，望住佢，都唔知點好！

本人不是交通督導員，只是一位要提款的用家吧！

無耐，排最尾的人看見這情況，不理會排在前面的人，直接跑到counter內提款，
豈有此理！打尖！！
這些咩嘢人？？
無奈！
真無奈！
只好去排隊，但，
點解這批人不跟鐵欄及前咀標示掛隊？
這些咩嘢人？？ 他們看標示也不懂嗎？
這樣排法會阻塞通道的！
無奈！真無奈！只好繼續排隊。

排了很耐，進入counter內的人流速度非常非常之慢，由於IN及OUT的出入口不同，排隊的人不易看不到counter內的人己離去，只靠排頭位的人進入才步進一個人位，多次看到提款機沒人用也沒人進內，期間有些在大玻璃外觀察了一段時間的人也察覺到這現象，有人竟然由出口進入counter用提款機！
有無攪錯！又打尖！？
這些咩嘢人？？
好興！十分興！
最後排到第三位，看見前面兩位人也拿著現金，就直接問他們是否提款，佢地話唔係，唔提款也沒關係，都無理由塞進通道唔比後面的人進內用提款機，莫非他們就人地等他們兩位存款好後才提款？

五台機，只是十多個人排隊等用，平均等了十多個人次才用到，這些是什麼設計？簡直超底效率。更火的事，那台提款機只供$1000的選擇，OK～選$1000，怎知佢出了兩張五百元！這些咩設計？？？

因為選用這counter，就遇到這班無咩反應的人，以及打尖的野人！而且排了三、四個字，還要行遠許多才有車搭回家，前前後後花多了大半小時！ 唉！