大人出遊

最近DeepC家的大人們頻頻出遊，個多星期前一連五天，好囉，十幾餐自己攪掂，好在有公司收留(OT)，時間總過得很快。其實成日OT，約朋友吃飯是件麻煩的事，熟DeepC的人都知DeepC在office hour 講私人電話是唔方便的事，所以次次臨時約人十分煩，講得細聲又急速，又要等同事行開才可以講電話。最奇怪的是，通常電話響起時總有老細在旁，尷尬到不得了；接唔接電話好？搏fire咩，當然盡量唔接啦，有時唔接電話又比佢地知道(用震動mode也沒用，因為電話會著燈，所以他們會看到)，佢地會發出奇怪的目光，還有仲攪笑的是，在conference room，由於大家坐得近，手機震的時間連枱凳也震，附近的人會知DeepC唔接電話，他們會一齊看著DeepC的衫袋。最慘的是，洗手間範圍是接不到電話網路的，所以要在office hour講電話，一係行出街，一係等人走開才行，非常麻煩。約唔到人就算了，另想方法。

講開食，這幾天怎樣？頭一兩天還好，早上提早出門賣早餐回公司吃，下午約同事外出吃lunch，晚上回家煮宵夜吃，之後的日子係，放工後買些乾糧做早餐，下午外出四處溜買些東西吃，晚餐見家裡有什麼吃什麼，一個「懶」講晒，真係無Mood，填飽肚就算。到DeepC媽回來後吃番餐正餐，真是想大唱世上只有媽媽好。