同胞

同胞好多種, 可能大家在出入境大堂的指示牌上, 見過 港胞、澳胞、台胞 的字眼.
DeepC的老闆, 在國內多個地區有office, 所以DeepC常常接觸不同地區的同胞. 經長期觀察,不同地區的同胞有以下的特性:
最醒目及善解人意的有上海胞,
最要求多多的都是上海胞,
最同聲同氣愛出風頭的有廣東胞,
最溫文有禮的有安徽胞,
最聲大又不一定惡的有湖南胞.


地區的特性很概括, 個人的特質更使人有深刻印象.
有些人說: "多做多錯, 少做少錯, 唔做唔錯.", 這句對白, 是那些話是逃避工作的人常說的.
DeepC 一向不怕工作, 但面對著那位同胞, 這句對白真的用得著.
真的不明白這位同胞, 為何一件小小的工作, 可以超過一星期都辦不妥, 每次交出來的作業錯漏百出, 不停要DeepC解釋+指正+跟進+執手尾. 在這情況下, 不但花時, 而且又勞氣.

記得電視有句對白: "生舊叉燒好過生你."
雖然DeepC唔係阿媽級, 亦唔配講這句話, 但下次去筡樓一定要食叉燒包出下氣!!

嚇親別人 vs 嚇親自己

成日講工作, 相信真的嚇親人.
如果唔講, 又有誰明白DeepC的境況?
有時講出來, 都係想有人明白下, 但又唔係代表要求什麼, 大約是給別人了解下, 但講了出來, 又好像很誇張, 事問又有誰相信一個small potato 可以工作如此這般??

前兩天, 看到小儀留給路仔的Comment, 其中包括九型人格URL; 當DeepC看過這個URL後很驚呢, 真的嚇了一跳. 以住看星座/生日的文章, 會看得很開心, 因為這類文章大多數寫得十分postive, 可是其內容都沒多大的根據. 但九型人格就不同了, 這是根據對人群進行觀察、 理解 以及分析 而得出來的.
在看這些文章時感覺很深, 因為多處地方說準, 而且說中要害, 有一種一針見血之感.
當然, DeepC不是指其描述100%準確; DeepC相信人類會進化, 而且會受到天時地利人和的影響而改變部份天性, 所以, 如九型人格的準確到可達 70%或以上, 那已相當了不起了. :>

開會日

今天 (4月6) 上了國內office, 主要是做program supporting 及 開會.
國內開會, 好formal 架, 身在其中就好容易投入.
今天合共開了 5 場會 (三大兩細), 真是講到口都乾晒, 連去洗手間的時間也沒有. 好彩, 今天有貴人, 可以早些回港, 返到屋企都係 20:30, 還比平日早回到家呢. : )

4月4當日

今年4月4日，犀利lor，打破了工作記錄!
一天內發了六十多封email，接了三四十個電話呢。
當日真是忙忙碌碌，步速驚人，不論收投訴、接問題、諗計、做指導、做安排、小組討論、尋人，都一腳踢。

朝9晚9，不足一小時的吃飯時，放工後還要預備Wed 的China trip。
真的不知自己還有多能耐? Anyway ，相信這些都是美好的回憶;
因為，這都是曾經有過。 ^-^

4月4之當年今日

渡過了以十計的4月4, 其中有些比較特別;
例如97年的那個4月4, 是在UDL任職的Last date, 當天很瀟灑, 背著背囊返工, 放工後即到紅磡火車站, 跟另3位女仔一起搭火車上北京, 經歷了一個難忘的十多天旅程.
4月4, 是DeepC的一位朋友生日天.
4月4, 曾是DeepC童年的平凡日子, 但這是真真正正的童年日子.
4月4, 是在愚人節之後的日子, 應該是智者日!! ^^
年今的4月4也很不錯, 因為4月4的後一天是假期, 可以休息下.

大自然之美

分散與堆積

吾吾，又OT喇，O到930。 (好在今天下午有足1小時吃lunch, 總算有得休息下 ^^)
我都唔想扮超人，因此將D不合理的工作分散做。例如，今天有2場 Presentation，咁另一個 training program 就安排明天10:00舉行。

世事難料，Training program 的出席人在指定的時間沒空，要求改為近放工時才舉行。 由於System 推出時間緊迫，Training 後還要處理跟進工作﹔所以 Training 只可推前，不可推後，最後改為今天晚上6時進行. 就是這樣，原本分開的工作又再次堆積在同一天處理。

分散工作是件好事，但今次的堆積工作也不是一件壞事，因為明天是星期六，那明天多數不用OT了。一於早些放工，好好享受星期六半天私人時間！ ^-^

開工lu 開飯lu

話咁快又過左4天假期，如果再放多4天就好lu~ ^-^
雖然妙想天開，但大部份的打工仔都係咁諗架啦。

今天開工，預期好忙，果然真的好忙wor。
中午只得半小時吃飯，加班到7．半，做足十粒鐘!
下班後到了親友家攪PC，整到12點，
12．半吃飯，真係早晨全餐！哈． 哈．

真係三千?

今天去了整理三千煩惱根, 修了很多, 滿地都是; 豈只三千呢?
小了煩惱根, 是否小很頭痛呢? 又唔係bor.
下午開始頭痛, 要幫親Panadol!

下午還到 KT 的 APM 吃Tea.
地方食物都好, 但假期人多,
而且APM剛開業, 好多地方還在進行裝修中, 嘈得很!

整理好昨天拍的大嶼山遊相片了. :)

手送

今天天陰, 不大風, 不潮濕, 很順利地完成行山活動.
9點集合, 跟著去了吃早餐.
約11點左右到達石壁水塘, 而真正的行程就在這點開始, 一路行到5點, 中途休息了大半小時.
途經重點: 石壁水壩, 大浪灣, 分流村, 二澳, 大澳.

到達大澳後, 還品嚐了出名的豆腐花, 南瓜皮媚豆筡果.
手送方面有

* 5隻筡果 (給同事)
* 勁辣辣椒醬 (給家人)
* 辣椒豆豉 (給朋友)
* 水pop兩粒 (對波鞋唔係好啱腳型, 行得多跟就出事; 好彩只是小小痛 ^^")

散band 後, DeepC出度第兩場活動, 青衣城同事飯局.
食物OK, 環境OK, 價錢OK, 洗手間十分OK. haha ^^

DeepC這班同學仔真係好健談, 整天無冷場.
今天很開心, 跟同學同事度過了一個愉快的假期.

前夕

暴風雨的前夕是平靜的!
長假期的前夕是忙碌的!

終於又到復活節, 共有4天假期呢. 蠻不錯~
但我明天自己選了個沒有休息的活動, 就是行山喇.
朝九晚五, 東涌集合. @_@ 明天還要比返工早起床.
真係自己攞哩X. ^^"
前陣子十分忙, 己很久沒行山了,
這次是很好的機會, 希望明天的體力可以應付得來. :>

嘩~~~
點解佢會寄信比我? 我己有一段時間跟她沒瓜葛!
好! 先拆開封信看看.
urrrr..
Certificate collection of Oracle 10g DBA Track
^________^. hehe

There is nothing peculiar about being peculiar.

人係奇怪生物

好得意, 好多人會見到其他人忙到不得了時, 會無理由地、不自控地去煩人家. 這些情況, 有如萬有引力, 麻煩友向引力方向飛撲過去.

今天DeepC挑戰13小時, 減去2個小時車程, 實做11小時.
連吃飯時間也沒有, 匆忙中只吃了幾口Cake填肚, 邉吃邊做.
麻煩友見到DeepC Lunch time 手腳唔停, 一時行過來跟DeepC講幾句, 一時又打電話給DeepC 說遇到什麼什麼問題, 非要DeepC去佢Office 檢看不可.
DeepC 心中生暗火, 皆因Lunch time 都要犧牲, 一定是有要事急著完成.
那些麻煩友的問題, 根本微不足道! 但為免傷害同事間的關係, 也怕遇到<唔怕一萬,最怕萬一> 的事件, 只好去看看發生什麼事.
不出意了之內, 所謂的問題不是大事, 這時DeepC心中不是兒味道.
麻煩友說 : 我都想快d攪好, 大家可以早d去吃飯.
DeepC一聽之下, 差點兒發怒.

Lunch time 是吃飯時間, 不是工作時候. 也不是要求人家去工作的時間.
不急的事, 可以吃飯後回來再做.

DeepC忍著氣把事情攪好, 跟著急急腳返回自己崗位繼續工作.
那位麻煩友最後2:00pm 完成佢自己的工作, 跟著出外吃飯1小時.
DeepC呢? 只有不停手地工作, 有1分鐘時間吃Cake! =_="

近晚上八時, DeepC己很攰了, 只好返家休息.

人實在太奇怪喇!!!!!!

發揮小宇宙

今天都幾開心, 因為做左好多野.
最開心係有批同學仔, 鼓勵我去做一件我好多年無做過的事, 就係..
登‧登‧登‧ => I n _ _ _ _ _ _ _
(如果你係我這班朋友仔, 你一定知我講咩 ^+++++^
如果你唔知gei, 我係唔會講你知. hehe)

今天下雨呀, 因為貪方便, 所以無帶遮, 攪到濕晒.
行錯路tim, 攪到遲了小小到.
臨時講英文, 真係講左d雞脹出來wor, 但真係好史~~~~ 面都紅晒!!
原來我真係攪過好多project 架, 一下子都講唔晒.
哎呀, 我還有兩點強項wor, 可惜無透露過呢~ (就係 HR sys 及 RFID, 你又點睇呢?)

OT 呀 OT 呀, 又OT喇. 但晩上還精力充沛.

好的, 我要繼續發揮小宇宙!! 下一次會更犀利!

在這裡多謝鼓勵我的同學仔!!!! Thank-you very much! ^o^

E度好嘈呀

今天.. 今天.. 今天.. 行大運. 哈哈哈
DeepC 家的電子設備不足, 不足夠同學校比, haha, 只好返學園借用這些大型Copy machine, 高級 Laser printer; 點知... 張Student card 竟然 Time invalid, 過不到大閘那關, 不能進入 Libaray.

跟著有位圖書館員過來跟我講:"你係米今個 semester 無 apply course 呢?"
DeepC 答: "係呀, 我今個sem 未報 course. 咁係米唔入得呢?"
圖書館員說: "係呀."
DeepC 心諗: [我都grad 左啦, 短期內都唔會考慮報la. 人家結左婚都可以返娘家啦. 點解學生唔可以返校園? 嘿嘿...]
DeepC 在無計下, 只好走人.

當行到馬路邊, 心有不甘, 試打電話問下有冇未grad的同事在附近, 如果有就有計了. 就係咁我打電話比田兄, 點知... 電講通左後, 我講左好耐佢都唔知我講d咩, 佢的對白好簡單, 就係 "E度好嘈呀~~"
好的, 田兄, 我知道你果度好嘈, 所以我收線先是為你好, 放心, 我明白你的!!

總括來說, 今天的活動是行來行去、搭下車、看風景. 真是休閒的一天!!

人人都用, 試下用lor

真係人人都用嘛, 未試下用lor.
小妹無咩信心日寫夜寫架.
Anyway, 當你看到我寫的東東, 咁你多數諗起DeepC啦. 多謝晒!!